| | «O volume do edificio fragmentouse de acordo cos usos do mesmo. A planta baixa e entresollado remetéronse mostrando un expresivo piar aséptico e, sobre eles, as catro plantas de vivendas voadas sobre a aliñación da rúa. Os planos de fachada pregáronse suavemente para aumentala superficie e reflectir, con diferentes angulacións, a luz que incide sobre as superficies acristaladas ou acabadas en chapa metálica. Un inevitable patio de luces resolvéronse con planta circular para eliminar calquera referencia direccional. A forma deste baleiro amplía a sensación espacial e permite optimizalas superficies que abre ó mesmo. (…) Superficies acristalada, de metal, en chapa lisa o celosía e morteiro monocapa entrelázase coa limpeza e mostra con sinceridade a orde funcional dos espazos interiores.
Esta foi unha ocasión para investigar sobre as posibles solucións de vivendas de escasa superficie, na que se apostou pola versatilidade dos espazos, marcando unha orde clara entre zonas de dia e noite e potenciando a continuidade visual. As distribucións propostas ten como base a experiencia moderna de análise funcional, á que se lle suma reflexións contemporáneas sobre o habitar alén dun simple problema funcional»
Fernando Agrasar |
Cargando…
