Esta semana propoñemos novos artigos e novas temáticas. Vamos a facer un resumo sobre as obras que temos publicadas ata o de agora, nunha serie de mapas que se irán actualizando a media que vaiamos aumentando a nosa base de datos, polo que nunca quedarán obsoletos.

Continuamos neste segundo día da semana coa década dos 70. Sobre o plano maniféstase o eixo atlántico como foco principal de obras. Tendo como principal novidade en comparación ó mapa dos anos 60, o crecemento de obras en Santiago de Compostela (Temos que aclarar que non figuran todas as obras ata o de agora no noso mapa, pero que de todos os xeitos a cantidade de obras que hai recollida pode ser unha mostra representativa da realidade arquitectónica do momento).

Fóra das grandes cidades vense destacadas as obras da zona entre a Coruña e Santiago, con proxectos interesantes como as Vivendas do pobo experimental de Seoane, perto de Cerceda, a casa do Concello de Trazo e as universidades laborais, como a Universidade Laboral en Culleredo, e a Universidade Laboral de Ourense, de Xulio Cano Lasso.

Este é un pequeno extracto. Coma no artigo anterior, achegamos unha pequena táboa resumo dos autores e do número de obras por localidade. Táboas coma esta pódense elaborar a partir da información das táboas que xera esta web automáticamente. Podes probar na parte inferior da web a facer o teu propio mapa.

 Arquitecto/ Provincia/número de obras