No núcleo urbano de Tomiño, a praza onde se atopan a casa do concello e o mercado municipal, estaba ocupada en gran medida por coches. Planéase dende o equipo municipal a recuperación dese espazo para o peón. A intervención abrangue tanto a praza do Seixo, centro simbólico da vila, como a rúa de Colón.
O estudio de Cendón-Vázquez trata de introducir á natureza na vila. Sosega e reduce o tráfico. Limitando o acceso a un só carril, e baixando a velocidade. Trázanse unha serie de bandas arboradas seguindo os movementos principais dos peóns. As árbores van definir unhas liñas de sombra baixo as que se porá o mobiliario urbano. Varias esculturas coroarán este pequeno bosque urbano.
Fronte á casa consistorial deséñase unha praza dura que conta cunha fonte e unha pérgola. Esta pérgola continuarase a través do bosque de bandas arboradas, dándolle continuidade a toda a actuación. A iluminación nocturna está integrada nesa pérgola.