Arquitecta colaboradora: Ana Monteagudo

Madera sostenible

Conferencia de Mauro Lomba na V Edición de Meeting Point Lignum

Tres volumes separados resolven o programa. Os dous principais conforman o espazo habitacional. O de maior volume para o día, para as relacións sociais. Ao seu lado o volume intermedio para a zona de noite, para o descanso, para o recollemento. Os dous volumes, con porta de acceso enfrontadas pero separadas, reforzan a comuñón coa natureza e xeran espazos intersticiais que serven a situacións distintas en función da época do ano. Cada módulo é funcionalmente autónomo, cada un co seu propio aseo. O terceiro volume, máis pequeno e algo separado, destínase a un almacén de apeiros de mantemento.

A envolvente, formada por múltiples láminas, concíbese como unha cebola á que lle falta unha das súas capas, para xerar unha cámara ventilada completa, con continuidade entre as fachadas e a cuberta. Na parte baixa leva unhas reixas para evitar a entrada de pequenos animais e na parte alta se colocaron unhas micro-chemineas de ventilación que facilitan a aireación. A maior parte das capas realízanse con taboleiros OSB colocados sobre unha estrutura espacial de bastidores e correas de madeira de conífera tratada en sales de cobre. Ao interior os acabados son de lasur branco ou transparente. Como illamento colócase unha capa de taboleiro illante de madeira. A carpintería exterior tamén é toda de madeira, acabada ao interior con lasur branco e ao exterior en gris.»

Mauro Lomba