| | «Sobre unha parcela de ampla fronte e fondo exiguo, que esixía un edificio-fachada, Alfonso Penela resolveu o proxecto dun inmoble destinado a oficinas. Son dous dos problemas fundamentais ao que resposta a solución aportada polo arquitecto: os escasos metros de fondo, que condicionan unha estrutura funcional liñal, e a obrigada visión en escorzo do edificio. Penela compuxo un edificio de nove plantas cunha serie de bandas horizontais acristaladas, que percorren todo o ancho da fachada, cortadas polo núcleo de comunicación vertical. Sobre esta disposición trivial defórmase o volume cunha gran camba central, que transforma toda a fachada, creando un pronunciado voo, que se proxecta sobre a beirarrúa, cubríndoa nun tramo central. Este bandullo empena todo o plano de fachada, de forma que o fuste de formigón do ascensor parece conter a vontade do edificio de dilatarse»
Fernando Agrasar |
(2 votos, promedio: 3,50 de 5)
Cargando…
