No intre no que Alberto Noguerol e a Pilar Díez reciben o encargo de proxectar un centro de saúde á beira da avenida de Arteixo, na Coruña, a trama urbana na que hoxe se inscribe era difusa e non se atopaba consolidada. Deste xeito debuxaron un paralelepípedo de formigón armado lixeiramente elevado, volcado cara tres patios interiores de tal modo que o centro de saúde se pechaba a un exterior duro e indeterminado.